Job 11

Zophar

1 Tua ciangin Naamath mi Zophar in dawng a: ^a

2 “Na kampau khempeuh hong kidawng lo ding sa na hiam? ^b
Hih kamtampa mawh kipengsak ding hiam? ^c
3 Ciakciakna in mite daisak tuam ding sa na hi hiam? ^d
Simmawhna kam na pau ciangin hong kitai lo tuam ding sa na hiam? ^e
4 Pasian kiangah, ‘Ka upnate genbaang lo a, ^f
na muhna ah ka siangtho hi,’ na ci hi. ^g
5 Tazen teh, nang langah
Pasian kamka-in hong pau ek leh ut siing! ^h
6 Tua hileh pilna thusimte nang tung hong pulakin, ⁱ
pilna maan in pang nih a neih lam hong gen ding hi.
Pasian in na mawhna pawlkhat nangawn a mangngilh lam thei in. ^j
7 “Pasian thusimte lam teh thei na hi hiam? ^k
Vanglianpa thu gensiang thei ding na hi hiam? ^l
8 Vantungte sangin amaute sangzaw uh hi - nang bang hih thei na hi hiam? ^m
Hankhuk ^{▼▼11.8 Hebrew in Sheol sangin} thukna sangin amaute thukzaw uh hi - nang bang thei na hi hiam?
9 Leitung sangin amaute sauzaw uh a, ^o
tuipi sangin zaizaw uh hi.
10 “Amah hong pai-in thong sungah hong khum henla,
thukhen zumkhat sam leh kua in amah nang zo ding hiam? ^p
11 Amah in zuauphuak mite phawk vilvel hi;
tuateh gamtat hoih lo a muh ciangin ciamteh lo sa na hiam? ^q
12 Ahi hangin gamsung laate mihing ^{▼▼11.12 Ahikeh gamsung laate kizualsak thei hi.} a suah theih loh bangin
mihaipa mipil suak thei lo hi.
13 “Hi taleh ama tungah na lungsim apin, ^s
ama lamah na khut zankhia lecin, ^t
14 na khut sunga om mawhna koihkhia-in, ^u
na buk sungah gamtat hoih lo tumsak kei lecin, ^v
15 tua ciangin zum loin na lu na phong to dinga, ^w
lau loin kiptakin na ding ding hi.
16 Na lungkhamnate na mangngilh kiuhkeuh dinga,
tuisik luangmang a bang ding hi. ^x
17 Na nuntakna sun laitak sangin vakzaw dinga, ^y
khuamialna zingsang a bang ding hi. ^z
18 Lametna om ahi manin nang na bit ding hi;
na kim na pam na khuadakdak dinga, lungmuangin na tawlnga ding hi.
19 Kuama lausak lohin na lum hithiat dinga,
mi tampi in nang hong maivil ding uh hi. ^aa
20 Ahi hangin migilote in hong en ngam lo ding uh a, ^ab
suakta loin amaute lametna pen
kha-awhna suak ding hi,” a ci hi. ^ac